Alþjóðastarf

Sykepleiernes samarbeide i Norden 
Samvinna hjúkrunarfræðinga á norðurlöndum

Samvinna hjúkrunarfræðinga á norðurlöndum (SSN) er svæðisbundin samvinna stéttarfélaga hjúkrunarfræðinga á norðurlöndunum sex.
SSN á að beina athygli sinni að þróun og eiga frumkvæði í málum sem hafa áhrif á hjúkrunarfræðinga og hjúkrun á norðurlöndum.

Samvinnan á að leggja sitt af mörkum til áframhaldandi þróunar hinnar almennu heilbrigðisþjónustu og hjúkrunar á norðurlöndum. Til að styrkja þessa þróun á SSN að eiga samvinnu við og hugsanlega sækja um aðild að viðeigandi norrænum, evrópskum og alþjóðlegum samtökum.   opinbert tungumál SSN eru skandinavísku tungumálin, sænska, danska og norska.

Félag íslenskra hjúkrunarfræðinga tekur virkan þátt í starfi SSN. Formenn aðildarsamtakanna mynda stjórn samtakanna. Fulltrúi Fíh í stjórn SSN er Elsa B. Friðfinnsdóttir, formaður. Varaformaður Fíh er varamaður f.h. félagsins í stjórn SSN.   

Vefur SSN

The European Federation of Nurses Associations
Evrópusamtök hjúkrunarfélaga

The European Federation of Nurses Associations (EFN) sem er ráðgefandi vettvangur hjúkrunarfræðinga gagnvart ESB, ákvað að á árinu 1997 að opna samtökin fyrir evrópskum félögum hjúkrunarfræðinga í löndum utan ESB.  Í framhaldinu var öllum félögum hjúkrunarfræðinga í löndum sem eiga aðild að Evrópuráðinu og eru jafnframt aðilar að ICN boðið að gerast aukaaðilar að EFN. Stjórn Félags íslenskra hjúkrunarfræðinga ákvað að þiggja boð samtakanna og gerðist aðili að þeim í mars 1998. 

Með aðild að EFN gefst félaginu möguleiki á að fylgjast með og hafa áhrif á stefnu ESB um hjúkrunarmál í framtíðinni, en stefna ESB í þeim málefnum sem og öðrum hefur bein áhrif á Íslandi vegna EES samningsins. Fundir samtakanna eru haldnir tvisvar á ári.

Á vorfundin EFN árið 2003 var Félag íslenskra hjúkrunarfræðinga samþykkt sem fullgildur aðili að Evrópusamtökunum hjúkrunarfélaga.

Vefur EFN


ICN - The International Counsil of Nurses
Alþjóðaráð hjúkrunarfræðinga - ICN

Alþjóðaráð hjúkrunarfræðinga eru samtök hjúkrunarfélaga í rúmlega 120 löndum. Það  var stofnað árið 1899 og eru elstu og víðfeðmustu samtök heilbrigðisstétta í heiminum. Hjúkrunarfræðingar stýra ráðinu og markmið þess er að tryggja: góða hjúkrun fyrir alla, vinna að skýrri stefnumótun í heilbrigðismálum um heim allan, framfarir í hjúkrunarþekkingu og auka virðingu hjúkrunar um víða veröld. Jafnframt vinnur ráðið að því að ávallt séu hæfir og ánægðir hjúkrunarfræðingar við störf.

Siðareglur Alþjóðaráðsins liggja til grundvallar starfsemi hjúkrunarfræðinga um allan heim. Staðlar ráðsins, leiðbeiningar og stefnumörkun varðandi hjúkrunarmálefni, menntun, stjórnun, rannsóknir og þjóðfélagsmál eru viðurkenndir á alþjóðavísu.

Alþjóðaráðið hefur sett sér þrjú aðalmarkmið og fimm leiðbeinandi megin gildi.

Markmið:
að auka einingu hjúkrunar um allan heim
að stuðla að alþjóðlegum framförum hjúkrunarfræðinga og hjúkrunar
að hafa áhrif á heilbrigðisstefnu

Megin gildi:
1.   Forysta byggð á hugsjón
2.   Víðtæk nálgun
3.   Sveigjanleiki
4.   Samvinna
5.   Árangur

Höfuðstöðvar Alþjóðaráðs hjúkrunarfræðinga eru í Genf í Sviss.

Nánari upplýsingar um málefni Alþjóðaráðsins eru á vefsíðu þess. Vefsíða ICN

Eftirfarandi lönd eru aðilar að ICN

WENR - Workgroup of European Nurse Researchers
Evrópusamstarf um hjúkrunarrannsóknir - WENR

Tilgangur Vinnuhóps evrópskra hjúkrunarrannsakenda er að styrkja samskipti og samvinnu þeirra í Evrópu með það í huga að hvetja vöxt og viðgang hjúkrunarrannsókna sem einn þátt í framlagi til hágæða hjúkrunar. Vinuhópurinn hefur þess vegna lagt áherslu á eftirfarandi þætti:

• Að miðla upplýsingum um hjúkrunarrannsóknir í Evrópulöndum .
• Að hvetja til útbreiðslu rannsókna og umræðna um þær.
• Að stuðla að gagnreyndum aðferðum í hjúkrun.
• Að hafa áhrif á önnur félög heilbrigðisstarfsmanna og stofnanir.
• Að stuðla að stuðla háum siðfræðilegum kröfum í hjúkrunarrannsóknum

Vefsíða WENR

SSN
EFN
ICN
WENR