Forsíða / Deildir Fíh / Fagdeildir / Lungnahjúkrun / Stjórn

Fagdeild lungnahjúkrunarfræðinga


Stjórn fagdeildar lungnahjúkrunarfræðinga 2006-2007:
Bryndís Stefanía Halldórsdóttir, formaður. 
Guðbjörg Pétursdóttir ritari, Elfa Dröfn Ingólfsdóttir gjaldkeri, Bryndís Halldórsdóttir meðstjórnandi, Halla Jóhannesdóttir meðstjórnandi og Borghildur Árnadóttir varamaður í stjórn.

Skráning í fagdeild lungnahjúkrunarfræðinga lunga@hjukrun.is

 

Starfsreglur

1. gr.

 

Nafn deildarinnar er Fagdeild lungnahjúkrunarfræðinga.

 

Lög Félags íslenskra hjúkrunarfræðinga eru lög fagdeildarinnar.

 

2. gr.

Félagar geta orðið, allir félagsmenn innan Félags íslenskra hjúkrunarfræðinga, sem hafa sérfræðileyfi eða viðbótarmenntun í viðkomandi fagi og þeir er starfa eða hafa áhuga á viðkomandi sérsviði.


3. gr.

 

    1. Markmið deildarinnar eru:

  1.  

    1. Að stuðla að bættri hjúkrun lungnasjúklinga, meðal annars með því að
      1. bæta menntun og hvetja félagsmenn til að viðhalda og auka hæfni sína og þekkingu.
      2. auka samstarf milli hjúkrunarfræðinga á stofnunum sem annast lungnasjúklinga.
      3. fylgjast með nýjungum og kynna þær.
      4. efla tengsl við lungnahjúkrunarfræðinga erlendis.
      5. hafa áhrif á stefnumótun í heilbrigðisþjónustunni, einkum er snýr að þörfum lungnasjúklinga
      6. efla tengsl við Hjúkrunarfræðideild Háskóla Íslands og við Heilbrigðisdeild Háskólans á Akureyri.

     

    1. Að efla forvarnir gegn lungnasjúkdómum.

     

    1. Að auka skilning og efla þjóðfélagsumræðu um þarfir lungnasjúklinga.

     

    1. Að vera stjórn Félags íslenskra hjúkrunarfræðinga og nefndum til ráðgjafar í öllu því sem snýr að hjúkrun lungnasjúklinga.
     

4. gr.

Aðalfund skal halda ár hvert að hausti. Stjórn ákveður tíma og fundarstað og boðar fundinn skriflega með tveggja vikna fyrirvara.

 

Fundarboði skal fylgja dagskrá og tillögur, sem ákveðið hefur verið að taka fyrir.

 

Á dagskrá aðalfundar skal að jafnaði vera:

  • Skýrsla stjórnar
  • Reikningar lagðir fram til samþykktar
  • Árgjald ákveðið
  • Breyting á starfsreglum
  • Stjórnarkjör, kosning tveggja endurskoðenda
  • Önnur mál

 

Meirihluti atkvæða ræður úrslitum mála.

 

Löglega boðaður aðalfundur hefur óskoraðan rétt til afgreiðslu mála 

5. gr.

 Halda skal málþing að jafnaði annað hvert ár, að hausti.

 

6. gr.

Deildin skal halda 2 fundi á ári, vor og haust. Haustfundur er jafnframt aðalfundur. Deildarfundir skulu boðaðir skriflega með minnst tveggja vikna fyrirvara.

 

7. gr.

Stjórn deildarinnar skal skipuð fimm félögum, formanni, ritara, gjaldkera og tveimur meðstjórnendum.

 

Kjörtímabil er tvö ár og er endurkjör heimilt. Þó skal enginn stjórnarmaður sitja lengur en fjögur ár samfleytt í stjórn.

 

Formaður er kosinn sérstaklega á aðalfundi, en að öðru leyti skiptir stjórn með sér verkum. Kosning skal vera skrifleg og leynileg eftir tilnefningu og fara fram eftir venjulegum reglum um meirihluta atkvæða.

 

 

8. gr.

Reikningar deildarinnar miðast við aðalfund ár hvert.

 

9. gr.

Deildin verður því aðeins lögð niður að meirihluti félaga sé því samþykkur.

  

10. gr.

Starfsreglum má aðeins breyta á aðalfundi deildarinnar.

  

11. gr.

Starfsreglur þessar öðlast gildi þegar þær hafa verið samþykktar af stjórn Félags íslenskra hjúkrunarfræðinga.

 

Vífilsstaðaspítali 22.4. 1996.

 

Endurskoðað 21.11. 1996

 

Breytingar samþykktar á aðalfundi 28.10.2003

 


Byggir á LiSA - Eskill, Sharepoint, Veflausnir og Vefumsjónarkerfi